How economy can be improved

How economy can be improved



How economy can be improved




ﺩﺳﺖ ﻧﮕﺮ ﻣﻌﯿﺸﺖ ﮨﻮ ﺍﻭﺭ ﮐﺎﺭﻭﺑﺎﺭِ ﺭﯾﺎﺳﺖ ﻗﺮﺽ ﮐﯽ ﻣﮯ ﺧﻮﺭﯼ ﭘﮧ ﭼﻠﺘﺎ ﮨﻮ ﺍﻭﺭ ﻣﻔﺖ ﺧﻮﺭﯼ ﮐﺎﺭﻭﺑﺎﺭﯼ ﻃﺒﻘﻮﮞ ﺍﻭﺭ ﺭﯾﺎﺳﺘﯽ ﺍﺩﺍﺭﻭﮞ ﮐﺎ ﺷﯿﻮﮦ ﮨﻮ ﺗﻮ ﺑﺲ ﺍﻓﺴﻮﺱ ﮨﯽ ﮐﯿﺎ ﺟﺎ ﺳﮑﺘﺎ ﮨﮯ ۔ ﻟﯿﮑﻦ ﮨﻤﺎﺭﮮ ﺍﺳﭩﺮﭨﯿﺠﮏ ﺍﺫﮨﺎﻥ ﮐﯽ ﮐﻮﺋﯽ ﺍُﮌﺍﻥ ﺗﻮ ﺩﯾﮑﮭﮯ، ﮐﻮﻥ ﮐﮩﮧ ﺳﮑﺘﺎ ﮨﮯ ﮐﮧ ﺍِﻥ ﮐﯽ ﭼﺎ ﺑﮑﺪﺳﺘﯿﺎﮞ ﺍﻭﺭ ﻋﻈﯿﻢ ﺍﻟﺸﺎﻥ ﭘﯿﺶ ﻗﺪﻣﯿﺎﮞ ﺍﯾﺴﮯ ﻣﻠﮏ ﻣﯿﮟ ﮨﻮ ﺭﮨﯽ ﮨﯿﮟ ﺟﻮ ﺍُﺩﮬﺎﺭ ﺍُﺗﺎﺭﻧﮯ ﮐﮯ ﻟﯿﮯ ﺍُﺩﮬﺎﺭ ﻟﯿﻨﮯ ﭘﮧ ﻣﺠﺒﻮﺭ ﮨﮯ۔ ﻟﻮﮔﻮ ! ﮐﻤﺮ ﺑﺎﻧﺪﮬﻮ ﮐﮧ ﺍﺳﭩﯿﭧ ﺑﯿﻨﮏ ﮐﮯ ﻣﻄﺎﺑﻖ ﺩﻭ ﺑﺮﺳﻮﮞ ﻣﯿﮟ ﺑﯿﺮﻭﻧﯽ ﻗﺮﺽ ﺍﻭﺭ ﺍﺩﺍﺋﯿﮕﯿﺎﮞ 17.6 ﺍﺭﺏ ﮈﺍﻟﺮﺯ ﮐﮯ ﺍﺿﺎﻓﮯ ﺳﮯ 113 ﺍﺭﺏ ﮈﺍﻟﺮﺯ ﮨﻮ ﮔﺌﯽ ﮨﯿﮟ۔ ﺍﻭﺭ ﺍﺱ ﮐﮯ ﺑﺎﻭﺟﻮﺩﮐﮧ ﺗﺤﺮﯾﮏِ ﺍﻧﺼﺎﻑ ﮐﯽ ﺣﮑﻮﻣﺖ ﻧﮯ ﻗﺮﺿﻮﮞ ﺍﻭﺭ ﺳﻮﺩ ﮐﯽ ﻣﺪ ﻣﯿﮟ 24.5 ﺍﺭﺏ ﮈﺍﻟﺮﺯ ﺍﺩﺍ ﮐﯿﮯ ﮨﯿﮟ۔ ﺭﻭﭘﻮﮞ ﻣﯿﮟ ﺩﯾﮑﮭﺎ ﺟﺎﺋﮯ ﺗﻮ ﭘﺎﮐﺴﺘﺎﻥ ﮐﺎ ﮐُﻞ ﻗﺮﺽ ﻋﻤﺮﺍﻥ ﺣﮑﻮﻣﺖ ﮐﮯ ﺩﻭ ﺳﺎﻟﻮﮞ ﻣﯿﮟ 11.35 ﮐﮭﺮﺏ ﺭﻭﭘﮯ ﺍﺿﺎﻓﮯ ﮐﮯ ﺳﺎﺗﮫ 36.3 ﮐﮭﺮﺏ ‏( 36,300 ﺍﺭﺏ ‏) ﺭﻭﭘﮯ۔ ﺟﺐ ﮐﮧ ﮔﺰﺷﺘﮧ ﺩﻭ ﺑﺮﺳﻮﮞ ﻣﯿﮟ ﻗﺮﺽ ﮐﯽ ﻭﺍﭘﺴﯽ ﭘﺮ 2.81 ﮐﮭﺮﺏ ﺭﻭﭘﮯ ﺧﺮﭺ ﮨﻮﺋﮯ ﮨﯿﮟ۔ ﺟﺎﺭﯼ ﻣﺎﻟﯽ ﺳﺎﻝ ﻣﯿﮟ ﺑﮭﯽ ﻭﻓﺎﻗﯽ ﺣﮑﻮﻣﺖ ﮐﻮ 2.2 ﮐﮭﺮﺏ ﺭﻭﭘﮯ ﻗﺮﺽ ﻟﯿﻨﺎ ﮨﮯ ﺍﻭﺭ ﻗﺮﺽ ﮐﯽ ﺍﺩﺍﺋﯿﮕﯽ ﮐﮯ ﺑﻌﺪ ﺍُﺳﮯ ﺍﺻﻞ ﺯﺭ ﻣﻠﮯ ﮔﺎ ﺑﮭﯽ ﺗﻮ ﺻﺮﻑ 495 ﺍﺭﺏ ﺭﻭﭘﮯ۔ ﺍﻥ ﺍﻋﺪﺍﺩ ﻭ ﺷﻤﺎﺭ ﺳﮯ ﯾﮧ ﻧﻘﺸﮧ ﺳﺎﻣﻨﮯ ﺍٓﺗﺎ ﮨﮯ ﮐﮧ ﺍٓﺋﻨﺪﮦ ﺟﺘﻨﺎ ﺑﮭﯽ ﻗﺮﺽ ﮨﻢ ﻟﯿﮟ ﮔﮯ ﻭﮦ ﮔﺰﺷﺘﮧ ﻗﺮﺽ ﮐﯽ ﺍﺩﺍﺋﯿﮕﯽ ﮐﮯ ﺑﻌﺪ ﮨﻤﺎﺭﮮ ﺟﺎﺭﯼ ﺍﺧﺮﺍﺟﺎﺕ ﮐﮯ ﻟﯿﮯ ﺑﭽﮯ ﮔﺎ ﺑﮭﯽ ﺗﻮ 25 ﻓﯿﺼﺪ ﺳﮯ ﮐﻢ ﺍﻭﺭ ﯾﮧ ﺍٓﺋﻨﺪﮦ ﺳﺎﻟﻮﮞ ﻣﯿﮟ ﻣﻨﻔﯽ ﮨﻮﺗﺎ ﭼﻼ ﺟﺎﺋﮯ ﮔﺎ۔ ﺍﺏ ﭘﯽ ﭨﯽ ﺍٓﺋﯽ، ﻧﻮﺍﺯ ﻟﯿﮓ ﮐﻮ ﺟﺘﻨﺎ ﺑﮭﯽ ﮐﻮﺳﮯ ﺍﻭﺭ ﻧﻮﺍﺯ ﻟﯿﮓ ﮐﯿﺴﮯ ﮨﯽ ﻋﻤﺮﺍﻥ ﺧﺎﻥ ﮐﻮ ﺑﮩﺘﺎﻥ ﺩﮮ۔ ﻗﺮﺽ ﮐﮯ ﭘﮭﻨﺪﮮ ﺳﮯ ﺟﺎﻥ ﭼﮭﻮﭨﻨﮯ ﻭﺍﻟﯽ ﻧﮩﯿﮟ، ﻧﮧ ﮨﯽ ﺍﻥ ﺟﻤﺎﻋﺘﻮﮞ ﮐﮯ ﭘﺎﺱ ﻗﺮﺽ ﺳﮯ ﺧﻼﺻﯽ ﮐﺮﺗﮯ ﮨﻮﺋﮯ ﭘﺎﺋﯿﺪﺍﺭ ﺍﻭﺭ ﺧﻮﺩ ﮐﻔﯿﻞ ﻣﻌﯿﺸﺖ ﮐﺎ ﮐﻮﺋﯽ ﮈﯾﺰﺍﺋﻦ ﮨﮯ ﺗﻮ ﭘﮭﺮ ﺍﮔﻠﯽ ﺣﮑﻮﻣﺖ ﻋﻤﺮﺍﻥ ﺧﺎﻥ ﮐﻮ ﮐﻮﺳﮯ ﮔﯽ ﺑﮭﯽ ﺗﻮ ﮐﻮﺋﯽ ﻓﺮﻕ ﭘﮍﻧﮯ ﻭﺍﻻ ﻧﮩﯿﮟ۔ ﻣﺎﮨﺮﯾﻦِ ﻣﻌﺎﺷﯿﺎﺕ ﺍﺳﮯ ﻗﺮﺽ ﮐﺎ ﭘﮭﻨﺪﮦ ‏( Debt Trap ‏) ﮐﮩﺘﮯ ﮨﯿﮟ۔ ﺍﻭﺭ ﺟﻮ ﭘﻨﭽﮭﯽ ﺭﯾﺎﺳﺘﯿﮟ ﺍﺱ ﺟﺎﻝ ﻣﯿﮟ ﭘﮭﻨﺲ ﺟﺎﺗﯽ ﮨﯿﮟ، ﺍُﻥ ﮐﯽ ﺧﻮﺩ ﻣﺨﺘﺎﺭﯼ ﺍﻭﺭ ﺍٓﺯﺍﺩﯼ ﻗﺮﺽ ﺧﻮﺍﮨﻮﮞ ﯾﺎ ﺩﻭﻟﺖ ﻣﻨﺪ ﻣﻠﮑﻮﮞ ﮐﮯ ﭘﺎﺱ ﺭﮨﻦ ﮨﻮ ﺟﺎﺗﯽ ﮨﮯ۔ ﺍٓﭖ ﻧﮯ ﺩﯾﮑﮭﺎ ﻧﮩﯿﮟ ﮨﻤﺎﺭﮮ ﻣﻌﺰﺯ ﻭﺯﯾﺮِ ﺧﺎﺭﺟﮧ ﮐﮯ ﮐﺸﻤﯿﺮ ﭘﮧ ﺑﯿﺎﻥ ﭘﺮ ﺍﺳﻼﻣﯽ ﺑﺮﺍﺩﺭ ﻣﻠﮏ ﮐﺎ ﺭﺩِّﻋﻤﻞ۔ ﭼﯿﻦ ﺳﮯ ﺍﯾﮏ ﺍﺭﺏ ﮈﺍﻟﺮﺯ ﻟﮯ ﮐﺮ ﻧﺬﺭ ﮐﯿﮯ ﮔﺌﮯ۔ ﺍٓﺧﺮ ﺍﺳﭩﯿﭧ ﺑﯿﻨﮏ ﮐﺐ ﺗﮏ ﺍﺗﻨﯽ ﺑﮍﯼ ﭨﺮﺍﻧﺰﯾﮑﺸﻦ ﮐﻮ ﭼﮭﭙﺎﺋﮯ ﺑﯿﭩﮭﺎ ﺭﮨﮯ ﮔﺎ۔ ﭘﮭﺮ ﺩﺍﺩ ﺩﯾﻨﯽ ﭼﺎﮨﯿﮯ ﺟﻨﺎﺏ ﺷﺎﮦ ﻣﺤﻤﻮﺩ ﻗﺮﯾﺸﯽ ﮐﻮ ﮐﮧ ﻭﮦ ﺍﺱ ﮐﯽ ﺗﺮﺩﯾﺪ ﮐﺮﺗﮯ ﮨﻮﺋﮯ ﺫﺭﺍ ﺑﮭﯽ ﻧﮩﯿﮟ ﺟﮭﯿﻨﭙﮯ۔ ﺩﻭﺳﺮﯼ ﻃﺮﻑ ﻣَﯿﮟ ﺍﯾﮏ ﺑﮩﺖ ﺑﮍﮮ ﺍﻓﺴﺮ ﮐﺎ ﯾﮧ ﺩﻋﻮﯼٰ ﺳُﻦ ﮐﺮ ﺷﺸﺪﺭ ﺭﮦ ﮔﯿﺎ ﮐﮧ ﮐﺲ ﻃﺮﺡ ﺩﺱ ﺑﺮﺱ ﭘﮩﻠﮯ ﺍﻓﻐﺎﻧﺴﺘﺎﻥ ﺳﮯ ﺍﻣﺮﯾﮑﯿﻮﮞ ﮐﻮ ﺑﮭﮕﺎ ﺩﯾﻨﮯ ﮐﺎ ﻣﻨﺼﻮﺑﮧ ﺑﻦ ﮔﯿﺎ ﺗﮭﺎ۔ ﯾﮧ ﻋﻠﯿﺤﺪﮦ ﺑﺎﺕ ﮨﮯ ﮐﮧ ﺍُﻥ ﮐﮯ ﺑﻘﻮﻝ ﺍﺏ ﺟﻨﮕﯽ ﻣﯿﺪﺍﻥ ﻣﯿﮟ ﻓﺘﺢ ﮐﮯ ﺑﻌﺪ ﺍﻓﻐﺎﻥ ﻃﺎﻟﺒﺎﻥ ﮐﮯ ﻣﻘﺎﺑﻠﮯ ﻣﯿﮟ ﮐﻮﻥ ﮐﮭﮍﺍ ﮨﻮ ﺳﮑﮯ ﮔﺎ، ﭼﺎﮨﮯ ﮨﻢ ﺍﺳﮯ ﭘﺴﻨﺪ ﮐﺮﯾﮟ ﯾﺎ ﻧﺎﮞ۔ ﺟﮩﺎﮞ ﺍﻗﺒﺎﻝ ﮐﮯ ﺷﺎﮨﯿﻦ ﺳﺘﺎﺭﻭﮞ ﺳﮯ ﺍٓﮔﮯ ﮐﻤﻨﺪ ﺑﺎﻧﺪﮬﻨﮯ ﭘﮧ ﺗُﻠﮯ ﮨﻮﮞ ﺍﻭﺭ ﻧﯿﭽﮯ ﺯﻣﯿﻦ ﭘﮧ ﮐﮭﮍﺍ ﺭﮨﻨﮯ ﮐﯽ ﻣﻌﺎﺷﯽ ﺍﺳﺘﻌﺪﺍﺩ ﺑﮭﯽ ﻧﮧ ﮨﻮ ﺗﻮ ﻓﺎﺗﺤﮧ ﺧﻮﺍﻧﯽ ﺗﻮ ﺑﻨﺘﯽ ﮨﮯ۔

How economy can be improved

ﻣﻔﺖ ﺧﻮﺭﯼ‏( Rent Seeking ) ﺍﮔﺮ ﻣﻌﯿﺸﺖ ﻭ ﺭﯾﺎﺳﺖ ﮐﺎ 
ﻧﺼﺐ ﺍﻟﻌﯿﻦ ﭨﮭﮩﺮﮮ ﺗﻮ ﮐﺴﯽ ﺑﮭﯽ ﻣﻠﮏ ﮐﺎ ﺩﺳﺖ ﻧﮕﺮﯼ ﺍﻭﺭ ﻗﺮﺽ ﮐﮯ ﭘﮭﻨﺪﮮ ﺳﮯ ﻧﮑﻠﻨﺎ ﻧﺎﻣﻤﮑﻦ ﮨﮯ۔ ﻣﻨﺼﻮﺑﮧ ﺑﻨﺪﯼ ﮐﻤﯿﺸﻦ ﮐﺌﯽ ﺑﺎﺭ ﻗﺮﺽ ﺳﮯ ﺟﺎﻥ ﭼﮭﮍﺍﻧﮯ ﮐﮯ ﺧﺎﮐﮯ ﺑﻨﺎ ﺑﻨﺎ ﮐﮯ ﮨﺎﻧﭗ ﮔﯿﺎ ﮨﮯ ﺍﻭﺭ ﺧﻮﺩ ﺑﮭﯽ ﻗﺮﺽ ﺳﮯ ﻓﯿﻀﯿﺎﺏ ﮨﻮﺗﮯ ﮨﻮﺋﮯ ﺍُﻥ ﻣﻨﺼﻮﺑﻮﮞ ﮐﻮ ﻃﺎﻕِ ﻧﺴﯿﺎﮞ ﮐﯽ ﻧﺬﺭ ﮐﺮ ﭼﮑﺎ ﮨﮯ۔ ﭘﺎﺭﻟﯿﻤﻨﭧ ﻧﮯ ﺑﮭﯽ ﻗﺎﻧﻮﻥ ﺑﻨﺎ ﮐﺮ ﻗﻮﻣﯽ ﺍٓﻣﺪﻧﯽ ﻣﯿﮟ ﻗﺮﺽ ﮐﯽ ﺷﺮﺡ ﭘﮧ ﺑﻨﺪﺵ ﻟﮕﺎﺋﯽ ﺗﮭﯽ ﺍﻭﺭ ﺟﺐ ﺳﮯ ﻭﮦ ﭘﺎﺑﻨﺪﯼ ﻟﮕﯽ ﺗﺒﮭﯽ ﺳﮯ ﮨﺮ ﺳﺎﻝ ﺍﺱ ﮐﯽ ﺧﻼﻑ ﻭﺭﺯﯼ ﮨﻮﺗﯽ ﺭﮨﯽ ﮨﮯ ﺍﻭﺭ ﻋﻤﺮﺍﻥ ﺣﮑﻮﻣﺖ ﻧﮯ ﺗﻮ ﭘﭽﮭﻠﻮﮞ ﮐﺎ ﺭﯾﮑﺎﺭﮈ ﺑﮭﯽ ﺗﻮﮌ ﺩﯾﺎ ﮨﮯ۔ ﭘﮩﻠﮯ ﮨﻢ ﻧﮯ ﺍﻣﺮﯾﮑﯿﻮﮞ ﺍﻭﺭ ﺳﻌﻮﺩﯾﻮﮞ ﮐﺎ ﺩﺍﻣﻦ ﺗﮭﺎﻣﮯ ﺭﮐﮭﺎ، ﭘﮭﺮ ﭼﯿﻦ ﺑﮭﯽ ﻣﺎﻝ ﺩﯾﻨﮯ ﻭﺍﻟﻮﮞ ﻣﯿﮟ ﺷﺎﻣﻞ ﮨﻮ ﮔﯿﺎ۔ ﺍﺏ ﺟﻮﻧﮩﯽ ﺍﻣﺮﯾﮑﮧ ﺍﻓﻐﺎﻧﺴﺘﺎﻥ ﺳﮯ ﮐﻮﭺ ﮐﺮﮮ ﮔﺎ ﺗﻮ ﺩﮨﺸﺖ ﮔﺮﺩﯼ ﮐﮯ ﺧﻼﻑ ﺟﻨﮓ ﮐﮯ ﺩﻭﺭﺍﻥ ﮐﮭﻮﻟﮯ ﮔﺌﮯ ﮐﮭﺎﺗﮯ ﭘﮩﻠﮯ ﮨﯽ ﺑﻨﺪ ﮨﻮ ﮔﺌﮯ ﮨﯿﮟ۔ ﺍﻭﭘﺮ ﺳﮯ ﺍﻓﻐﺎﻧﺴﺘﺎﻥ ﻣﯿﮟ ﺍﯾﮏ ﺍﻭﺭ ﺑﮍﯼ ﺧﺎﻧﮧ ﺟﻨﮕﯽ ﮐﺎ ﻣﻠﺒﮧ ﺍﯾﮏ ﺑﺎﺭ ﭘﮭﺮ ﮨﻤﺎﺭﮮ ﺳﺮ ﻟﮕﻨﺎ ﮨﮯ، ﺟﺒﮑﮧ ﺍﻓﻐﺎﻥ ﺭﯾﺎﺳﺖ ﮐﻮ ﺑﺮﻗﺮﺍﺭ ﺭﮐﮭﻨﮯ ﮐﮯ ﻟﯿﮯ ﺍﮔﻠﮯ 20 ﺑﺮﺱ 10 ﺍﺭﺏ ﮈﺍﻟﺮﺯ ﺳﺎﻻﻧﮧ ﺩﺭﮐﺎﺭ ﮨﻮﮞ ﮔﮯ۔ ﮐﯿﺎ ﮨﻢ ﯾﮧ ﺑﻮﺟﮫ ﺍُﭨﮭﺎﻧﮯ ﮐﮯ ﻟﯿﮯ ﺗﯿﺎﺭ ﮨﻮﮞ ﮔﮯ؟ ﺍﻭﭘﺮ ﺳﮯ ﭼﯿﻦ ﻭ ﺑﮭﺎﺭﺕ ﮐﮯ ﻣﺎﺑﯿﻦ ﻧﮧ ﺻﺮﻑ ﺍﺳﻠﺤﮧ ﮐﯽ ﺩﻭﮌ ﻣﯿﮟ ﺑﮭﺎﺭﺕ ﮐﺎ ﺣﺎﻝ ﺑُﺮﺍ ﮨﻮﮔﺎ، ﺑﻠﮑﮧ ﺑﮭﺎﺭﺕ ﺳﮯ ﮨﻤﺎﺭﮮ ﺍﺳﭩﺮﭨﯿﺠﮏ ﻣﻘﺎﺑﻠﮯ ﻣﯿﮟ ﺭﻭﺍﯾﺘﯽ ﻭ ﻏﯿﺮﺭﻭﺍﯾﺘﯽ ﺍﺳﻠﺤﮧ ﮐﯽ ﺩﻭﮌ ﻣﯿﮟ ﺍﯾﮏ ﺑﺪﺣﺎﻝ ﭘﺎﮐﺴﺘﺎﻥ ﮐﺎ ﮐﯿﺎ ﮨﻮﮔﺎ؟ ﯾﮧ ﺳﻮﭼﺘﮯ
ﮨﻮﺋﮯ ﺩﻣﺎﻍ ﺷﻞ ﮨﻮ ﺟﺎﺗﺎ ﮨﮯ۔


How economy can be improved

ﻗﺮﺽ ﮐﮯ ﺷﮑﻨﺠﮯ ﺳﮯ ﻧﮑﻠﻨﮯ ﮐﮯ ﻟﯿﮯ ﺿﺮﻭﺭﯼ ﮨﮯ ﮐﮧ ﮨﻢ ﺗﻤﺎﻡ ﻏﯿﺮﭘﯿﺪﺍﻭﺍﺭﯼ ﮐﺎﻣﻮﮞ ﺍﻭﺭ ﻣﻨﺼﻮﺑﻮﮞ ﭘﮧ ﻗﺮﺽ ﻟﯿﻨﺎ ﺑﻨﺪ ﮐﺮ ﺩﯾﮟ۔ ﮐﻤﺮﺷﻞ ﻗﺮﺽ ﺧﻮﺩ ﭘﮧ ﺣﺮﺍﻡ ﻗﺮﺍﺭ ﺩﯾﮟ۔ ﺍٓﺳﺎﻥ ﺷﺮﺍﺋﻂ ﭘﮧ ﺍﮔﺮ ﻗﺮﺽ ﻟﯿﮟ ﺑﮭﯽ ﺗﻮ ﭘﯿﺪﺍﻭﺍﺭﯼ ﻣﻨﺼﻮﺑﻮﮞ ﭘﮧ، ﺟﻮ ﻧﮧ ﺻﺮﻑ ﻗﺮﺽ ﻭﺍﭘﺲ ﮐﺮ ﺳﮑﯿﮟ ﺑﻠﮑﮧ ﻣﻨﺎﻓﻊ ﺑﺨﺶ ﺭﮨﯿﮟ۔ ﭘﺒﻠﮏ ﺳﯿﮑﭩﺮ ﮐﯽ ﺗﻤﺎﻡ ﮐﺎﺭﭘﻮﺭﯾﺸﻨﺰ ﮐﮯ ﺧﺴﺎﺭﮮ ﭘﻮﺭﮮ ﮐﺮﻧﺎ ﺑﻨﺪ ﮐﯿﮯ ﺟﺎﺋﯿﮟ ﯾﺎ ﺍُﻥ ﮐﯽ ﺗﺸﮑﯿﻞِ ﻧﻮ ﺍﯾﺴﮯ ﮐﯽ ﺟﺎﺋﮯ ﮐﮧ ﺭﻭﺯﮔﺎﺭ ﺑﮭﯽ ﺑﺮﻗﺮﺍﺭ ﺭﮨﮯ ﺍﻭﺭ ﻧﻘﺼﺎﻧﺎﺕ ﺑﮭﯽ ﮐﻢ ﮨﻮﮞ۔ ﮐﯿﻮﮞ ﻧﮧ ﺍﻥ ﻗﺮﺿﻮﮞ ﮐﻮ ﺭﺍﺋﭧ ﺍٓﻑ ﮐﺮ ﺩﯾﺎ ﺟﺎﺋﮯ ﯾﺎ ﭘﮭﺮ ﺍﯾﮏ ﮐﺎﺭﭘﻮﺭﯾﺸﻦ ﺑﻨﮯ ﺟﻮ ﺳﺎﺭﮮ ﺍﻧﺪﺭﻭﻧﯽ ﻗﺮﺿﻮﮞ ﮐﻮ ﻧﭙﭩﺎﻧﮯ ﮐﺎ ﺑﻨﺪﻭﺑﺴﺖ ﮐﺮﮮ۔ ﻭﻓﺎﻗﯽ ﻭ ﺻﻮﺑﺎﺋﯽ ﻣﺤﮑﻤﻮﮞ ﺍﻭﺭ ﺗﻤﺎﻡ ﺍﺩﺍﺭﻭﮞ ﻣﯿﮟ ﮐﭩﻮﺗﯽ ﮨﻮ ﺍﻭﺭ ﺍُﻥ ﮐﮯ ﺍﺧﺮﺍﺟﺎﺕ ﮐﻮ ﮐﻢ ﺍﺯ ﮐﻢ ﭘﭽﺎﺱ ﻓﯿﺼﺪ ﮐﻢ ﮐﯿﺎ ﺟﺎﺋﮯ۔ ﺑﺠﭧ ﺧﺴﺎﺭﮮ ﮐﻮ ﻗﺮﺿﻮﮞ ﺳﮯ ﻧﮩﯿﮟ، ﻣﺤﺎﺻﻼﺕ ﺑﮍﮬﺎ ﮐﺮ ﺍﻭﺭ ﺗﻤﺎﻡ ﺯﻣﯿﻨﺪﺍﺭﻭﮞ ﺍﻭﺭ ﺳﺮﻣﺎﯾﮧ ﺩﺍﺭﻭﮞ ﮐﯽ ﺍٓﻣﺪﻧﯿﻮﮞ ﭘﺮ 30 ﻓﯿﺼﺪ ﭨﯿﮑﺲ ﻋﺎﺋﺪ ﮐﯿﺎ ﺟﺎﺋﮯ۔ ﺩﻓﺎﻋﯽ ﺍﺧﺮﺍﺟﺎﺕ ﮐﻮ ﻣﻨﺠﻤﺪ ﮐﯿﺎ ﺟﺎﺋﮯ ﺍﻭﺭ ﮐﺎﺳﭧ ﺑﯿﻨﯿﻔﭧ ﮐﮯ ﺍُﺻﻮﻝ ﭘﮧ ﺍﺱ ﮐﮯ ﺑﮭﺎﺭﯼ ﺑﮭﺮ ﮐﻢ ﻏﯿﺮﺩﻓﺎﻋﯽ ﺣﺼﻮﮞ ﮐﻮ ﭼﮭﺎﻧﭧ ﺩﯾﺎ ﺟﺎﺋﮯ۔ ﭘﯿﺪﺍﻭﺍﺭﯼ ﻻﮔﺖ ﮐﻢ ﮐﺮﺗﮯ ﮨﻮﺋﮯ ﺑﺮﺍٓﻣﺪﺍﺕ ﮐﺎ ﺩﺍﺋﺮﮦ ﻭﺳﯿﻊ ﮐﯿﺎ ﺟﺎﺋﮯ ﺍﻭﺭ ﺩﺭﺍٓﻣﺪﺍﺕ ﭘﮧ ﺳﺨﺘﯽ ﺍﻭﺭ ﺑﮍﮬﺎ ﺩﯼ ﺟﺎﺋﮯ۔ ﺗﻤﺎﻡ ﺍﻋﻠﯽٰ ﺳﺮﮐﺎﺭﯼ ﻣﻼﺯﻣﯿﻦ ﮐﯽ ﺑﮯ ﺷﻤﺎﺭ ﻣﺮﺍﻋﺎﺕ ﮐﻮ ﺧﺘﻢ ﮐﯿﺎ ﺟﺎﺋﮯ۔ ﺟﺲ ﮐﺎ ﺟﻮ ﮐﺎﻡ ﮨﮯ ﻭﮨﯽ ﮐﺮﮮ، ﻧﮧ ﮐﮧ ﺩﮬﻨﺪﻭﮞ ﮐﻮ ﺑﮍﮬﺎﯾﺎ ﺟﺎﺋﮯ۔ ﺍﺻﻞ ﻧﮑﺘﮧ ﯾﮧ ﮨﮯ ﮐﮧ ﺳﯿﺎﺳﯽ ﻣﻌﯿﺸﺖ ﮐﮯ ﭘﺎﻭﺭ ﺍﺳﭩﺮﮐﭽﺮ ﮐﻮ ﺗﺒﺪﯾﻞ ﮐﺮﺗﮯ ﮨﻮﺋﮯ، ﻋﻮﺍﻣﯽ ﺷﺮﺍﮐﺖ ﺍﻭﺭ ﺣﺎﮐﻤﯿﺖ ﺍﻭﺭ ﻣﻌﯿﺸﺖ ﻣﯿﮟ ﺳﻤﺎﺟﯽ ﺷﺮﮐﺖ ﮐﻮ ﺗﻘﻮﯾﺖ ﺩﯼ ﺟﺎﺋﮯ۔ ﺍﺏ ﯾﮧ ﮐﺮﮮ ﺗﻮ ﮐﻮﻥ؟ ﮨﮯ ﮐﻮﺋﯽ ﻣﺎﺋﯽ ﮐﺎ ﻟﻌﻞ ﯾﺎ ﻋﻮﺍﻣﯽ ﺟﻤﺎﻋﺖ 

Post a Comment

0 Comments